погледни 360 панорама

На почетокот на XX век започнуваат со мебел изработен по нацртите на водечките виенските дизајнери и архитекти Колман Мосер, Ото Вагнер, Марчело Камерер… Битно е да се нагласи дека кон крајот на 1920-те и 1930- те произведуваат мебел од челични цевки по нацртите на Марсел Броер, Мис ван дер Рое, Ле Корбизје. Праксата од соработка со современи архитекти и дизајнери, како и  производство на класичните модели од свиено дрво и челични цевки, ќе продолжи се до денешен ден. Денес имаме неколку поединечни фирми  во различни земји: “Thonet Freres” – Франција; “Thonet Industries” – С.А.Д.; “Thonet Frankenberg” – Германија; “Thonet” –  Виена; “Bystrice pod Hostynem” – Чешка и “Fameg Radomsko” – Полска.

Столот Бр. 14 е прв стол што е произведен со новата технологија на свивање на дрво во 1859 година. Тој е составен од шест делови кои меѓусебно се се спојуваат со штрафови. Ваквиот начин на спојување на елементите го овозможил модуларниот начин на изработка, што бил основа за сериско индустриско произвотство на мебел. До 1930 година столот е продаден во 50 милиони примероци, а се произведува и денес со променета форма. Спојувањето со шрафови го овозможило расклопувањето во делови па така 36 столови можеле да се сместат во кутија со големина од еден кубен метар и на тој начин економично да се транспортираат (принцип кој денес го користи IKEA). Важноста на столот Бр. 14 е во тоа што тој е прв стол кој е сериски произведен.